Каго закрануць санкцыі?

Агульнага эканамічнага эмбарга не чакаецца. Санкцыі Еўразвязу будуць мець кропкавы адрасны характар, каб не закрануць дабрабыту простых жыхароў Беларусі. У гэтым сёння запэўнівалі прэм'еры нашых паўночных суседзяў -- Латвіі ды Літвы. У еўрапейскай дыскусіі адносна пашырэння санкцыяў згадалі і нашага ўсходняга суседа -- Расею. На год праз марскі порт у Клайпедзе праходзіць каля 30 млн тон грузаў. 40 % з іх прыходзіць туды праз Беларусь. У выпадку прыняцця Еўразвязам шырокіх эканамічных санкцыяў адносна нашай краіны, як падлічылі літоўскія бізнесоўцы, іхныя страты могуць перавысіць нават 2,5 млрд долараў.