Расея - з надзеяй на рэформы

Расейская Дзярждума адзінагалосна прыняла ў трэцім чытанні закон, які спрашчае рэгістрацыю палітычных партыяў. Цяпер яго мусяць разгледзець Савет Федэрацыі ды прэзідэнт. Раней палітычную рэформу, якую распачаў Дзмітрый Мядзведзеў, назіральнікі назвалі рухам да лібералізацыі. Ці сапраўды новы закон прынясе грамадзянскія свабоды, якіх дамагаецца расейская апазіцыя? Пасля таго, як закон будзе падпісаны прэзідэнтам і пачне дзеяць, знізіцца колькасць чальцоў партыі, неабходная дзеля яе рэгістрацыі. З цяперашніх 40 000 да ўсяго 500 чалавек. Адмяняюцца і патрабаванні да мінімальнай колькасці партыйцаў у рэгіянальных аддзяленнях. Сістэмная апазіцыя ўспрыняла гэта адмоўна, бо могуць з'явіцца тысячы міні-партыяў.