Закладнікі ўладаў

Расейскі пралаз у Еўропу для невыязных закрыўся. Сёння ўначы з цягніка Менск--Масква на станцыі Ворша знялі ды затрымалі апазіцыйных палітыкаў Анатоля Лябедзьку ды Сяргея Калякіна, а таксама журналіста Аляксандра Атрошчанкава. Дзеячам абмежавалі не толькі рух, але і волю. Яшчэ тыдзень таму Анатоль Лябедзька хацеў змагацца супраць дыскрымінацыйнага абмежавання выезду за мяжу. У выніку да адказнасці могуць прыцягнуць самога палітыка. Замест сустрэчы з прадстаўнікамі Еўрапейскай камісіі ў Бруселі палітыкам давялося пазнаёміцца з айчыннымі сілавікамі ў Воршы. Гэты прыпынак для дзеячаў аказаўся канцавы.