Агентаў раскрыюць

Усё таемнае стане яўным. У суседняй Літве рыхтуюць да публікацыі спіс асабліва значных агентаў КДБ савецкага часу. Грамадства атрымае доступ як да імёнаў 1700 былых супрацоўнікаў сакрэтных службаў, так і да іхных працоўных дакументаў. За выключэннем толькі тых агентаў, якія раней прызналіся самі. Зайсці на сайт і знайсці неабходнае прозвішча -- гэта ўсё, што патрэбна, каб у лічбавую эпоху прачытаць асабістую справу сакрэтнага агента КДБ. Пакуль у спісе толькі рэзервісты савецкіх спецслужбаў, што працавалі ў Літоўскай ССР. Але хутка цэнтр даследавання генацыду і супраціву апублікуе спіс тых, хто быў асабліва каштоўны і карысны для КДБ. Неяк пакараць былых агентаў -- такой мэты няма. Але і хаваць іхных імёнаў не збіраюцца.