Нацыя аптымістаў?

Больш за палову беларусаў лічаць, што сітуацыя ў краіне развіваецца ў няправільным кірунку. Але пры гэтым рэйтынг Аляксандра Лукашэнкі расце, адпаведна пратэставы патэнцыял грамадства падае. Такія тэндэнцыі выявіла апытанне, праведзенае Незалежным інстытутам сацыяльна-эканамічных і палітычных даследаванняў. Беларусы перастаюць бачыць уласную будучыню ў жалобных колерах. Нягледзячы на тое, што тых, чый матэрыяльны стан пагоршыўся, па-ранейшаму большасць (40,4 %), у меншасці засталіся тыя, хто лічыць, што фінансава-эканамічную сітуацыю чакае чарговая чорная паласа (22,5 %).