Абышліся штрафамі

Штраф 10 базавых велічыняў кожнаму. Гэтак скончылася спроба выехаць у Маскву і Брусель для палітыкаў Анатоля Лябедзькі ды Сяргея Калякіна і журналіста Аляксандра Атрошчанкава. У ноч на сераду іх затрымалі пры спробе выехаць з краіны праз расейскую мяжу, а сёння асудзілі ў Воршы за дробнае хуліганства. Як жа менавіта нахуліганілі невыязныя? Яшчэ раніцаю на адмысловай прэс-канферэнцыі калегі затрыманых палітыкаў былі пэўныя: судовае рашэнне будзе прымацца наверсе.