Бураўкін: Ёсць рэчы, якімі мы не дазволім гандляваць

Генадзь Бураўкін, Рыгор Барадулін, Радзім Гарэцкі і Анатоль Грыцкевіч заклікаюць узяць удзел у беларускім агульнанацыянальным сходзе. «Апошнім часам мы зноў адчулі небяспеку, якая навісае над нашаю незалежнасцю, незалежнасцю нашай нацыянальнай дзяржавы. Гэта праявілася і ў тым, што кіраўніцтва пачало актыўна ўваходзіць у нейкія саюзы, нават вайсковыя, што пачаўся распродаж таго, што нельга прадаваць, не параіўшыся з народам», -- заявіў у інтэрв'ю «Белсату» адзін з ініцыятараў сходу Генадзь Бураўкін.