Чацвёртая ўлада

Вяртаемся да падзеяў беларускіх. У тым, што медыі -- чацвёртая ўлада, пераканаліся жыхары Берасця. Іхная шматгадовая праблема -- даўгабуд у раёне Вулька ды небяспечная агароджа вакол яго. Аднак бясконцыя скаргі ды звароты да чыноўнікаў станоўчага эфекту не прыносілі. А вось пасля з'яўлення рэпартажу ў «Аб'ектыве» справа рушыла з месца. Праход у школу з перашкодамі, гімнастыка з роварам у руках, а таксама ўхіленне ад машынаў з дзіцячаю калыскаю -- шмат гадоў берасцейцы вымушаныя супраць сваёй волі выконваць такія спартовыя практыкаванні.