Беларусь пасля тэракту

Што было пасля 11 красавіка? Пакуты і зламаныя лёсы тых, хто апынуўся ў злашчасным другім вагоне метро, ды страх, які апанаваў усю краіну. Дагэтуль не сціхае боль, а шмат каго з нас непакояць пытанні, якія засталіся без адказаў. Аляксандр гэтак свабодна пачувацца ў сваіх рухах можа адно ў сябе на кухні. Па-за домам -- толькі пры дапамозе мыліцаў. Год таму ён апынуўся не ў тым месцы ды не ў той час. Аскепак ад разарванай лавы, дзе знаходзілася меркаваная бомба, ударыў маладзёна ў правы бок.