Тэракт у фактах

Сотні людзей прыйшлі да станцыі "Кастрычніцкая", каб ушанаваць ахвяраў выбуху ў метро. Роўна год таму трагедыя забрала жыцці 15 чалавек. У памяць аб іх ля ўваходу сёння адкрылі помнік "Рака памяці", але парадаксальна: падчас урачыстай цырымоніі пасажыраў метро не выпускалі праз гэты трагічна вядомы выхад. Год болю, змагання, пошуку праўды. Кветкі ды знічы. Мемарыяльны знак "Рака памяці" ля ўваходу на станцыю метро "Кастрычніцкая" адкрылі сёння сталічныя ўлады. Пятнаццаць хваляў нясуць па "Рацэ памяці" імёны ахвяраў тэракту. Роўна год таму а 17:56 на пероне станцыі "Кастрычніцкая" грымнуў выбух.