Інтрыга застаецца

Другі тур прэзідэнцкіх выбараў у Францыі прызначылі на 6 траўня. А галоўная інтрыга тым часам захоўваецца. Хто ўрэшце пераможа? Дзейны прэзідэнт Нікаля Сарказі ці сацыяліст Франсўа Алянд, які набраў усяго на 1,5 % болей? Такімі бурнымі авацыямі віталі выбарнікі перамогу ў першым туры Франсўа Алянда, які лічыўся па выніках шматлікіх апытанняў бясспрэчным фаварытам французскай перадвыбарчый гонкі. Ён здолеў набраць 28,6 % галасоў. Дзейны прэзідэнт Нікаля Сарказі атрымаў на 1,5 % менш, а замкнула тройку лідараў Марын Ле Пэн з 18 %. І гэта сталася сапраўднаю сенсацыяў выбарчай кампаніі, бо яна «пераскочыла» самыя высокія паказнікі свайго бацькі, Жана-Мары Ле Пэна, заснавальніка ўльтраправай партыі.