Дыпламатычная паўза

У дыпламатычнай вайне паміж Менскам і Бруселем пакуль лунае белы сцяг. Не парушыў часовага перамір'я і сённяшні саміт кіраўнікоў знешнепалітычных ведамстваў краінаў аб'яднанай Еўропы ў Люксембургу. Санкцыяў не пашырылі, але і не адмянілі. Прыярытэты сённяшняга саміту кіраўнікоў МЗС Еўразвязу на самым пачатку акрэсліла Кэтрын Эштан. Еўрапейскі звяз пашырыў абмежаванні для Сірыі ды адмовіўся -- пакуль на год -- ад большасці санкцыяў супраць Бірмы, рэжым якой ідзе на пэўныя ліберальныя крокі.