Спартовы агляд

ЧАРГОВАЯ ПАРАЗА Нацыянальная зборная Беларусі саступіла ў першым матчы "Кубка Шкоды", які распачаўся ў Браціславе. Дружына Кары Хэйкілі саступіла камандзе Нямеччыны 2:5. Дакладнымі стрэламі ў беларусаў вызначыліся Міхаіл Грабоўскі ды Сяргей Коласаў. Пасля двубою каманды правялі серыю булітаў, вынікі якой будуць улічвацца пры вызначэнні канчатковых месцаў на турніры ў выпадку роўнасці набраных балаў. Булітную перастрэлку беларускія хакеісты таксама прагулялі -- 1:3. Заўтра мы згуляем з нарвежцамі. На чэмпіянат свету ў Хельсінкі нашая каманда адправіцца 2 траўня з Браціславы. На першынстве планеты беларусы стартуюць матчам з чэмпіёнамі свету, фінамі, 4 траўня. belsat.eu