Падвойны тэракт у Дагестане

У Дагестане заўтрашні дзень абвесцілі жалобным -- па загінулых у выніку падвойнага тэракту ў Махачкале. Прынамсі 14 чалавек загінулі, больш за 100 -- параненыя. У расейскай Дзярждуме паспяшаліся патлумачыць прычыну тэрактаў супрацьстаяннем экстрэмістаў і мясцовых уладаў ды абвергнуць датычнасць расейскіх спецслужбаў да выбухаў. У адным з найбольш праблемных этнічных рэгіёнаў Расеі зноў гучаць выбухі ды гіне мірнае насельніцтва. Не дапамаглі пазбегнуць трагедыі і шматлікія антытэрарыстычныя службы, што працуюць у Дагестане. Гэтым разам, на жаль, заварушыліся толькі постфактум.