Жыццё ў клетцы

Немагчыма выйсці з дому. Немагчыма ўладкавацца на працу. Са зняволеннем у клетцы параўноўваюць сваё жыццё беларускія інваліды. Каб выказаць свой пратэст супраць дыскрымінацыі, яны ў Міжнародны дзень барацьбы за правы людзей з абмежаванымі магчымасцямі выступілі на мітынгу ў сталічным парку Дружбы народаў. Некалькі дзясяткаў інвалідаў-вазочнікаў з розных куткоў Беларусі сабраліся на мітынг у Менску, каб патрабаваць роўнага стаўлення ды шанавання сваіх правоў.