Падарожжа для моцных

Са Смаленшчыны да Чорнага мора, на лодцы па Дняпры ды ў адзіночку -- на такую экстрэмальную вандроўку наважыцца не кожны. Але менавіта такі шлях выбраў Юрый Лішаёў -- альпініст-экстрэмал... з першаю групаю інваліднасці. Сярод скалалазаў Юрыя ведаюць пад мянушкаю "Фанцік" -- як сапраўднага фаната пераадольваць цяжкасці. Яму ўсё жыццё казалі: не спрабуй, ты не зможаш, у цябе нічога не выйдзе. А ён не слухаў, бо хацеў зазірнуць за межы ўласных магчымасцяў.