Захаваўшы «мір»

Літаральна некалькіх тыдняў не хапіла Анатолю Куляшову, каб адзначыць трэцюю гадавіну на міністэрскай пасадзе. За гэтыя гады краіну ўскалыхнулі надзвычайныя здарэнні: так званыя масавыя беспарадкі ля Дому ўраду і небывалая хваля палітычных рэпрэсіяў, тэракт у менскім метро і шэраг гучных карупцыйных скандалаў у самім Міністэрстве ўнутраных справаў. Здавалася, што кожнай з гэтых падзеяў дастаткова, каб згубіць пасаду, аднак міністэрскае крэсла пад Куляшовым канчаткова пахіснулася толькі цяпер.