Спартовы агляд

НІЧЫЯ ХАРВАТАЎ НЕ ЎЗРАДАВАЛА Зборная Харватыі, якая сталася адзінаю дружынаю ад групы "С", якой удалося перамагчы ў першым туры, мела магчымасць ужо сёння забяспечыць сабе месца ў васьмёрцы наймацнейшых. Але двубой супраць італьянцаў склаўся цяжэй, чым з Ірландыяй. Больш за тое, "шахматныя" першыя прапусцілі ад Андрэа Пірла на 39-й хвіліне, але Манджукічу ўдалося адгуляць мяч на 72-й, і ў выніку нічыя -- 1:1. Харватыя на першым месцы з чатырма пунктамі, два -- у Італіі, адзін мае Іспанія, і Ірландыя паспрабуе сёння пазбавіцца нуля ў гэтай графе -- у гданьскім матчы супраць дзейных чэмпіёнаў свету і Еўропы. belsat.eu