ААН зоймецца Беларуссю?

Увага міжнароднай супольнасці была сёння скіраваная на Беларусь. У Радзе правоў чалавека Арганізацыі Аб'яднаных Нацыяў адбылася інтэрактыўная дыскусія пра сітуацыю ў нашай краіне. Эксперты, праваабаронцы і прадстаўнікі дзясяткаў краінаў выказалі заклапочанасць пагаршэннем правоў чалавека ў Беларусі. Прагучалі і галасы ў абарону ўладаў Беларусі -- што праўда, ад краінаў з недэмакратычнымі рэжымамі. Выказаў сваё меркаванне і сталы прадстаўнік Беларусі ў ААН.