Лёс скаргаў

Перад Днём Незалежнасці вуліцы ачысцяць ад смецця, а шэрагі грамадзянаў -- ад "непажаданых элементаў". Суд не задаволіў касацыйнай скаргі затрыманага актывіста "Змены" Аляксандра Арцыбашава. Адклаў разгляд скаргі і ягонага паплечніка Паўла Вінаградава ды журналіста "Еўрарадыё" Паўла Свярдлова. Скарга апошняга ўвогуле некуды знікла. ВІТАЛЬ ЗЫБЛЮК, РЭДАКТАР «ЕЎРАРАДЫЁ»: "Чамусьці гэтая скарга так і не дайшла -- дайшла толькі скарга, якую падала адвакат, і матэрыялы справы. На падставе гэтага суд прыняў рашэнне не разглядаць справу, пакуль скарга Паўла не дойдзе. Калі гэта адбудзецца -- невядома". СВЯТЛАНА ВІНАГРАДАВА, ЖОНКА ЛІДАРА «ЗМЕНЫ»: "Я думаю, што Паша даседзіць свой 15-дзённы тэрмін, і ягоную скаргу разгледзяць ужо пасля ягонага вызвалення".