Дзе ўзяць грошы?

"Шалёных грошай няма, і ніхто іх збоку не дасць", -- заявіў Аляксандр Лукашэнка падчас працоўнай паездкі ў Магілёўскую вобласць. Са словаў кіраўніка краіны вынікае, што афіцыйны Менск ужо не мае спадзеваў на замежнае крэдытаванне. Аднак у цалкам іншым тоне гэтае балючае для Беларусі пытанне ўзнімалася падчас сустрэчы кіраўніка ўраду Міхаіла Мясніковіча з Дэйвідам Гофманам -- новапрызначаным кіраўніком місіі МВФ у нашай краіне.