Мадэль у крызісе

Прэзідэнт з 18-гадовым стажам не аднойчы заяўляў, што мы ідзем уласным шляхам. Але выглядае на тое, што ён вядзе не да абяцанага эканамічнага цуду, а ў прорву. Эксперты Сусветнага банку прызналі беларускую эканамічную мадэль неэфектыўнаю. Высновы прэзентавалі сёння ў Краінавым мемарандуме "Эканамічная трансфармацыя для росту". За два апошнія гады нас скаланулі два моцныя крызісы, а калі не будзе пераменаў, то хутка можна чакаць трэцяга.