Агляд спартовых навінаў

Глядзіце выданне цалкам: belsat.eu МОЦНЫ ПАЧАТАК Юніёрская мужчынская зборная Беларусі па гандболе, якая даволі нечакана выгуляла кваліфікацыю да чэмпіянату Еўропы ў Краснадары, апярэдзіўшы каманды Расеі ды Францыі, сёння паспяхова стартавала і ў фінальным турніры. Нашая дружына пераканаўча перамагла, хай і не вельмі ўдалых, але удзельнікаў трох апошніх фіналаў, аднагодак з Чэхіі -- 32:23. Дарэчы, беларусы апошні раз выступалі ў вырашальных спаборніцтвах толькі ў 2004-м. За адну з дзвюх пуцёвак у асноўны раўнд нашыя гандбалісты таксама пазмагаюцца з гаспадарамі аўстрыйцамі ды зборнаю Нарвегіі. КРОЧЫМ НАПЕРАД Сёння ж вызначаюцца пераможцы першага кваліфікацыйнага раўнду Лігі Еўропы УЕФА. Футбольны клуб "Гомель", як вядома, сваю задачу выканаў яшчэ ў першым двубоі на Фарэрах.