Прыём пайшоў

Тут можна праглядзець іншыя матэрыялы выдання: belsat.eu Прыём дакументаў ад абітурыентаў распачалі сёння беларускія ўніверсітэты другой плыні. Набор у большасць ВНУ гэтай катэгорыі працягнецца да 25 ліпеня, а на вайсковыя факультэты -- да 23-га. Сёлета Міністэрства адукацыі скараціла агульную колькасць месцаў ва ўніверсітэтах да 91 тыс., што на 14 тыс. менш, чымся летась. Пераважна гэтае змяншэнне адбылося коштам бюджэтных і завочных аддзяленняў юрыдычных і эканамічных факультэтаў. Варта адзначыць, што ў цэнтралізаваным тэставанні сёлета ўзяла ўдзел 141 тыс. абітурыентаў, а гэта значыць, што ў 54 беларускія ВНУ сёлета паступяць толькі 60 % усіх ахвотных. Сяргей Марчык, «Аб'ектыў»