Спартовы агляд

Тут можна праглядзець іншыя матэрыялы выдання: belsat.eu ЁСЦЬ ШАНЕЦ НА ПОДЫУМ Зборная Беларусі па гандболе выйшла ў другі раўнд юнацкага чэмпіянату Еўропы, дзе ўзрост гульцоў не перавышае 18 гадоў. У групе «B» нашыя майстры ручнога мяча занялі другі радок і разам з Аўстрыяй працягнуць барацьбу за медалі. Гэтыя каманды на другім этапе аб'яднаюцца з найлепшымі ў групе «А» -- Швецыяй і Нямеччынай -- і тут ужо будуць улічвацца пункты, набраныя зборнымі ў вочных двубоях на першым этапе. Такім чынам, у нашым квартэце беларусы і немцы балаў не маюць, а ў Аўстрыі ды Швецыі па два. Па дзве найлепшыя дружыны з групаў трапяць у паўфінал, астатнія пазмагаюцца за месцы з 5-га да 8-га. Заўтра мы сустракаемся з немцамі, у сераду згуляем са Швецыяй.