Агляд падзеяў замежжа

Тут можна праглядзець іншыя матэрыялы выдання: belsat.eu КАНЧАТКОВАЕ АБВІНАВАЧАННЕ За суўдзел у забойстве Паліткоўскай былому афіцэру МУС Паўлючэнкаву абяцаюць мінімальнае пакаранне. Ягоную справу выдзеляць у асобную вытворчасць, і суд разгледзіць яе ў адмысловым парадку. Ён першы з фігурантаў заключыў са следствам пагадненне аб супрацы. Першая справа па факце забойства Анны Паліткоўскай развалілася, і калегія прысяжных у лютым 2009 г. апраўдала ўсіх падсудных. Вядомую журналістку Анну Паліткоўскую забілі ў пад'ездзе ейнага дому ў кастрычніку 2006 г. Паводле следства, калегаў і сваякоў журналісткі, падставаю для злачынства сталіся публікацыі Паліткоўскай аб парушэннях правоў чалавека, крадзяжах дзяржуласнасці і перавышэнні чыноўнікамі сваіх паўнамоцтваў. АДХІЛІЦЬ... ПАВОДЛЕ СТАНУ ЗДАРОЎЯ Начальнік генштабу паўночнакарэйскага войска, 69-гадовы Ры Ёнг О, адхілены ад пасады. Паводле афіцыйнай версіі -- паводле стану здароўя.