Уцякач у пагонах

Чым займаецца беларуская міліцыя? Шчыра распавесці пра гэта вырашыў капітан міліцыі Сяргей Макар. Аднак толькі тады, калі пераканаўся, што на момант апублікавання ягоных словаў будзе ўжо па-за дасягальнасцю беларускіх сілавікоў. Тры дні таму ён цішком з'ехаў з роднай Горадні і папрасіў прытулку ў адной з краінаў Еўразвязу. Паводле былога праваахоўніка, кінуць усё ён быў вымушаны пад ціскам Камітэту дзяржбяспекі ды ратуючы жыццё роднага брата.