Пасля зацяжнога маўчання Еўразвяз і афіцыйны Менск зрабілі першую спробу дыялогу на высокім ўзроўні. Адбылася яна падчас нарады міністраў замежных справаў краінаў «Усходняга партнёрства», кіраўніцтва Еўрапейскай службы вонкавых дзеянняў і Еўракамісіі. У сустрэчы ўзяла ўдзел і беларуская дэлегацыя на чале з міністрам замежных справаў Сяргеем Мартынавым.