Стары Дзень Незалежнасці

Без крыві ды змагання пасля распаду савецкай імперыі Беларусь атрымала незалежнасць. 22 гады таму Вярхоўны Савет -- тады яшчэ БССР -- прыняў "Дэкларацыю аб суверэнітэце", якая і стала падмуркам сучаснай дзяржаўнасці. Але толькі пяць гадоў 27 ліпеня было афіцыйным Днём Незалежнасці. Цяпер пра гэтую падзею патрыёты нагадваюць толькі "партызанскімі" сродкамі, аднак большасць беларусаў пра яе нават не памятае.