Колькі засталося Лукашэнку?

belsat.eu Журналісты „Белсату" запыталіся ў жыхароў Менску, колькі яшчэ Лукашэнка будзе кіраваць краінаю. Некаторыя апытаныя спрабавалі зпрагназаваць, што можа змусіць Аляксандра Лукашэнку пакінуць прэзідэнцкае крэсла. „Калі будуць выбары, калі выкажацца большасць народу, то будзе і далей кіраваць", - гаворыць адзін з рэспандэнтаў. „Калі ў Расеі ды ва Украіне пачнуцца закалоты ці грамадзянская вайна, тады ўлада гэтага чалавека пахіснецца, а пакуль гэтага не адбываецца, ён спадзяецца ўтрымацца ва ўладзе і ўзмацніць свой рэжым", - мяркуе іншы менчук. „Лукашэнка можа кіраваць і адзін дзень, і некалькі год, і некалькі дзесяцігоддзяў, - гаворыць жыхар Менску. - Усё залежыць ад народа, калі народ ужо не зможа ніяк жыць, калі не будзе ўжо хапаць на ежу -- тады народ устане, пойдзе і зрыне гэты рэжым".