Равяка: Як кэдэбіст Мацкевіч стаў Рубінавым

Таццяна Равяка таксама распавяла, што ў прафілактычнай размове браў удзел чалавек, які прадставіўся капітанам Рубінавым. „Што мяне і насмяшыла, і абурыла -- гэты капітан, які назваўся Рубінавым, прысутнічаў у нас на вобшуку ў правабарончым цэнтры „Вясна" 17 студзеня 2011 года але пад прозвішчам Мацкевіч", - гаворыць правабаронца. „Які можа быць давер да дзяржаўнага органа, працаўнікі якога нават не гавораць сваіх сапраўдных імёнаў? Яны занепакоеныя пытаннем іміджу абсалютна абгрунтавана, але няхай яны падумаюць што і як яны робяць", - падкрэсліла Таццяна Равяка.