Вольнае слова прыцягвае да сябе ўвагу беларусаў, незалежна ад іхных палітычных поглядаў. Сёння зранку на Прывакзальнай плошчы ў Гомлі грамадскі актывіст Аляксандр Процка распаўсюджваў газету «Новы час», чым зацікавіў не толькі мінакоў, але і старэйшага лейтэнанта міліцыі Дзяніса Новікава, які даставіў актывіста ў пастарунак. Там на Процку склалі адміністратыўны пратакол за гандаль у неналежным месцы, узялі тлумачэнні ды вызвалілі.