Алесю Бяляцкаму -- 50!

Сёння палітвязню Алесю Бяляцкаму споўнілася пяцьдзесят. Свой Дзень народзінаў праваабаронца сустракае ў калоніі. Асудзілі кіраўніка праваабарончага цэнтру «Вясна» на чатыры з паловаю гады зняволення. Фармальна за нявыплату падаткаў, хаця сумы, што захоўваліся на замежных рахунках, не былі ягоным прыбыткам. Гэтыя сродкі прызначаліся на дапамогу рэпрэсаваным. Цяпер калегі Алеся Бяляцкага падтрымліваюць яго ды працягваюць адстойваць ягоныя ідэалы. І, вядома ж, чакаюць вызвалення.