Не надта зацікаўленыя?

Грэцыя захраслая ў пазыковым крызісе і пратэстах не згоднага з неабходнасцю ашчаджаць насельніцтва... Летась Міжнародны валютны фонд выдаткаваў Афінам $ 110 млрд, каб не дапусціць дэфолту краіны і падзення агульнаеўрапейскай валюты. Сёлета -- выдаткуе яшчэ столькі ж, каб крызіс еўразоны не распаўсюдзіўся на іншыя краіны. КРЫСТЫН ЛЯГАРД, ВЫКАНАЎЧЫ ДЫРЭКТАР МВФ: «Неразвітыя рынкі вельмі занепакоеныя. Існуе рызыка, што развітыя дзяржавы заразяць рынкі краінаў, якія развіваюцца, а таксама рынкі краінаў з малымі прыбыткамі». Эканоміка Беларусі не мае такога, як Грэцыя, уплыву на сусветныя рынкі, і мае ўдвая меншую ў стасунку да валавога ўнутранага прадукту вонкавую пазыку (прагназаваная вонкавая пазыка ў 2011 г.: Грэцыя --150 % ВУП, Беларусь -- 73 % ВУП). Затое яна вылучаецца адміністратыўна-планавым характарам. Аднак МВФ можа дапамагчы і Беларусі -- упэўнены анлітык Сяргей Чалы. СЯРГЕЙ ЧАЛЫ, ФІНАНСАВЫ АНАЛІТЫК: «Яны цяпер вельмі зацікаўленыя ў пэўным поспеху. Поспех у нашым выпадку -- гэта канчатковае рэфармаванне абсалютна не рэфамаванай яшчэ эканомікі». Але спачатку фонд патрабуе ад нашай краіны дасканалага выканання сваіх рэкамендацыяў. Пасля двухтыднёвай эканамічнай рэвізіі ў Менску кіраўнік місіі МВФ у Беларусі Крыс Джарвіс заявіў: КРЫС ДЖАРВІС, КІРАЎНІК МІСІІ МВФ У БЕЛАРУСІ: «Найважнейшая задача -- спыніць рост інфляцыі, якая вядзе да паніжэння ўзроўню жыцця насельніцтва і сілкуе дэвальвацыйныя чаканні. Неабходна працягваць і паскараць працу дзеля структурнага <b>...</b>