Нафтавая таямніца

Таямніцаю за сямю пячаткамі сталася сёння сустрэча беларускага віцэ-прэм'ера Уладзіміра Сямашкі з ягоным расейскім калегам Аркадзем Дварковічам. У прэс-службе ўраду Расеі нам пацвердзілі, што гэтая сустрэча адбылася, але распавядаць якія-кольвек падрабязнасці адмовіліся. Між тым, ад вынікаў гэтай сустрэчы можа наўпрост залежаць праца нафтаперапрацоўчай галіны, а значыць, і дабрабыт усёй нашай эканомікі.