З зэдлікам да акіяну

Падарожнікі з Беларусі, Украіны ды Расеі, трыста шЭсцьдзесят пяць дзён, чатырнАццаць краінаў, трыццаць тысяч кіламетраў... У гэтых фактах найкарацей можна акрэсліць незвычайную вандроўку, з якой вярнуліся ўдзельнікі экспедыцыі. Увесь гэты час з сабою яны неслі табурэт. Чаму? Пра гэта ўдзельнікі распавялі на выставе фотаздымкаў і прэзентацыі відэафільму з экспедыцыі ў Менску. Каб падагрэць інтрыгу, дадам, што аднаго з удзельнікаў незвычайнага падарожжа вы яшчэ нядаўна бачылі... у гэтай студыі. Каго? М/Ф «ДОСТУЧАТЬСЯ ДО НЕБЕС»: «Стаіш на беразе і адчуваеш салёны пах ветру, што дзьме з мора. Не ведаў, што на небе нікуды без гэтага. Зразумей, што на небе толькі і гаворкі, што пра мора. Што ты ім скажаш, бо ты ніколі не быў на моры? Там, наверсе, цябе ахрысцяць лохам...» Гэтыя словы класічнага фільму не пра нашых герояў, якія пераадолелі самае цяжкое -- вырашыцца здзейсніць мару. АЎГІННЯ МАНЦЭВІЧ, «ЛІТОТА», УДЗЕЛЬНІЦА ЭКСПЕДЫЦЫІ: «Шмат у каго ўсё супер, добрая праца, з дзецьмі ўсё ў парадку, але шмат хто марыць паехаць да акіяну, пабываць на краі зямлі, але не шмат хто на гэта здольны, не шмат хто вырашаецца на такое». Яшчэ вось тут, больш за год таму Аўгіння была вядоўцаю нашых навінаў. Вось тут -- ужо падарожніцаю з табурэтам да акіяну. Агулам экспедыцыя прайшла і праехала аўтаспынам праз 14 краінаў. УЛАДЗІСЛАЎ ЮРКОЎ, «ВЕРАСЕНЬ», УДЗЕЛЬНІК ЭКСПЕДЫЦЫІ: «ЗША, потым з ЗША мы паехалі ў Мексіку, потым ідзе такая цудоўная краіна Гватэмала, потым краіна нечым вельмі падобная да <b>...</b>