"Гавары праўду!" прайграла суд

Вярхоўны Суд не задаволіў пазову кампаніі "Гавары праўду!". «Хто б сумняваўся!» -- гэтак адрэагаваў на прынятае рашэнне Уладзімір Някляеў. Актывісты дамагаліся дзяржаўнай рэгістрацыі ініцыятывы яшчэ ў жніўні, аднак Мінюст адмовіў, спаслаўшыся на памылкі ў дакументах. Актывісты лічаць, што за месяц, які ў Міністэрстве юстыцыі разглядаліся дакументы, памылку, якая стала прычынай адмовы, магчыма было выправіць. Аднак тады па ўдакладненні да іх не звярнуліся. Гэта другая спроба легалізаваць «Гавары праўду!». Першы раз чыноўнікі адмовілі пасля падзеяў 19 снежня, калі актывістаў кампаніі на чале з Уладзімірам Някляевым трымалі ў турме КДБ, а офіс быў апячатаны. Цяпер арганізацыя будзе дамагацца афіцыйнага статусу трэці раз. УЛАДЗІМІР НЯКЛЯЕЎ, ЛІДАР КАМПАНІІ "ГАВАРЫ ПРАЎДУ!": «Пакуль дакументы разглядаюцца, нашая арганізацыя як бы існуе на легальных падставах. А што гэта азначае? Што я магу быць спакойны, адносна, канечне, спакойны за тых, хто працуе ў кампаніі «Гавары праўду». Адэля Дубавец, «Аб'ектыў»