Стоп крэдыт

Самы буйны камерцыйны банк краіны прыпыніў выдаванне крэдытаў на набыццё кватэраў. Праўда, удакладняюць у "Беларусбанку", крэдытаванне будаўніцтва ды ільготныя праграмы надалей функцыянуюць у поўным аб'ёме, а забарона тычыцца толькі другаснага рынку, то бок ужо збудаванага жытла. Але ж і гэткія абмежаванні азначаюць сур'ёзныя праблемы "Беларусбанку" з ліквіднасцю. У сваю чаргу і Нацыянальны банк прымае рашэнні, якія сведчаць пра нестабільнасць фінансавага сектару краіны.