Хто стане новым міністрам мультуры?

Свабода бяз гальштукаў 21 лістапада 2012. Дыскусія ў жывым эфіры. Удзельнічаюць Вячаслаў Ракіцкі, Сяргей Навумчык і Сяргей Дубавец. Ужо тыдзень пустуе крэсла міністра культуры. Хто зойме яго? Гэта шырока абмяркоўваюць ня толькі людзі мастацтва, культуры, а і інтэрнэт-супольнасьць. Раскладваюцца ўсемагчымыя пасьянсы. Але ці ёсьць у іх сэнс? Што можа зьмяніцца ў культуры ад чарговага прызначэньня яе новага начальніка, калі ўсім у Беларусі кіруе адзін чалавек, а прызначэньнем культуры стала абслугоўваньне таго самага чалавека? І ці можна такую культуру ўвогуле называць культурай? Пра гэта бяз гальштукаў гавораць Сяргей Дубавец і Сяргей Навумчык. Вядзе перадачу Вячаслаў Ракіцкі.