Таварыствы пад кантролем

Менскія таварыствы ўласнікаў трапілі пад пільную ўвагу дзяржавы. Сёння старшыня Менгарвыканкаму Мікалай Ладуцька падчас аператыўнай нарады загадаў адміністрацыям раёнаў пільна сачыць за правядзеннем арганізацыйных сходаў у таварыствах уласнікаў, якія ствараюцца ці якія ўжо існуюць. Кіраўнік сталіцы звярнуў увагу на тое, што аб'яднанні, якія займаюцца абслугоўваннем жыллёвага фонду, мусяць стварацца выключна добраахвотна і самастойна жыхарамі дамоў.