Пра што гаворыць статыстыка?

Як можна не ўлічыць $ 73 млн прыбытку і дзе яны могуць ляжаць, няўлічаныя, месяцамі? Партал "naviny.by" звяртае ўвагу на істотныя змяненні ад Белстату ва ўліку гандлёвага сальда краіны. Гэтак, замест ранейшых $ 1313 млн за студзень--верасень цяпер фігуруюць $ 1387,8 млн долараў. Выпраўленні тлумачацца ўдакладненай інфармацыяй, атрыманай ад Мытнага камітэту. Аўтар публікацыі ў афіцыйнай версіі прынамсі сумняецца і задаецца пытаннем: ці азначаюць гэткія разыходжанні ў лічбах тое, што Беларусь аднавіла скандальны экспарт разбаўляльнікаў? Незалежныя эксперты, апытаныя "Аб'ектывам", бачаць прычыну разбежнасцяў у іншым. ЛЕЎ МАРГОЛІН, БІЗНЕСОВЕЦ: "Ну, калі знайшлі $ 73 млн, гэта азначае толькі, што трэба добра пашукаць: можа яшчэ сотню-другую можна знайсці. Гэта найперш сведчыць пра тое, які "парадак" у нашай гаспадарцы".