Класці брук - не дзіцячая справа?

Паводле газеты "Звязда", БРСМ прапаноўвае пашырыць пералік "лёгкіх відаў работ", да якіх могуць прыцягвацца непаўналетнія ад 14 гадоў. У тым ліку - укладка бруку, абклейванне шпалерамі, фарбаванне паверхняў. Журналісты "Белсату" пацікавіліся ў жыхароў Магілёву, ці варта прыцягваць да працы непаўналетніх. "Няхай лепш працуюць, чымся ходзяць і недзе па кутах паляць. У 16 гадоў ужо можна працаваць. Няха йпрызвычаіваюцца да працы, жыццё такое, што трэба працаваць", - гаворыць жыхарка Магілёва. Зрэшты з такім меркаваннем пагаджаюцца не ўсе апытаныя. "У нас і так эканамічная сітуацыя непростая і прымушаць з такога ўзросту працаваць... Вучыцца трэба студэнтам! Атрымліваць адукацыю, прафесію, а потым ужо і працаваць", - мяркуе ўдзельнік апытання.