Цверазей на дзень!

Не плануйце на суботу святкаванняў і пасядзелак пад чарачку спіртнога. А калі плануеце -- ідзіце ў краму загадзя. Паслязаўтра ва ўсёй краіне пройдзе Дзень без алкаголю -- а значыць, у краме нельга будзе набыць нават бутэлькі піва. Забарону ініцыявала Міністэрства ўнутраных справаў разам з іншымі міністэрствамі, якія пагаджаюцца, што барацьба з п'янствам -- справа для беларускага грамадства прыярытэтная. АЛЕГ КАРАЗЕЙ, АДДЗЕЛ ПРАФІЛАКТЫКІ МУС: "Цяпер спажыванне абсалютнага алкаголю на душу насельніцтва складае 13,3 л на год. Гэта значна перавышае ўсталяваную Сусветнай арганізацыяй аховы здароўя ўмоўную мяжу -- 8 л на душу насельніцтва на год, што сведчыць проста пра дэградацыю нацыі... На парадку дня пытанне аб павелічэнні адказнасці за самагонаварэнне і нелегальны гандаль спіртнымі напоямі".