Візавая «палітыка»

Афіцыйныя прадстаўнікі Еўразвязу кажуць, што гатовыя прыадчыніць дзверы сваіх дзяржаваў для грамадзянаў нашай краіны. Пакуль жа трапіць "у тую самую Еўропу" беларусам даволі складана. ЖЫХАРЫ МАГІЛЁВА: "Чым больш будзе кантактаў з развітымі краінамі, тым лепш, нам на карысць. А замыкацца ў сваіх межах -- гэта безнадзейная справа". "Спрашчэнне трэба ў еўрапейскія краіны, бо так далей немагчыма. Па-першае, доўгі тэрмін чакання, па-другое -- адмовы". "Нейкія даведкі за даведкаю патрабуюць. Гэта ўсё цяганіна". "Усё ж такі жывем у цэнтры Еўропы, хочацца, каб працэдура была нашмат прасцейшая". І спрасціць візавыя пытанні для беларусаў магчымасць ёсць -- пацвердзіла амбасадарка Еўразвязу ў Менску Майра Муора.