Холдынг імем рэвалюцыі

Імкненне кіраўніка краіны "разабрацца з паразітуючай на золатавалютных рэзервах абутковаю галіною" стварыла хаос і вакол супольнага акцыянернага таварыства "Белвест". Нарада, дзе падымалася гэтае пытанне, адбылася 8 лістапада, і гаворка вялася там пра стварэнне холдынгу ў Віцебскай вобласці на базе прадпрыемстваў "Белвест" і "Марка". Праз некаторы час пасля нарады на "Белвесце" распачалася праверка Камітэту дзяржкантролю, вынікам якой сталі трывожныя звесткі ў шэрагу медыяў пра арышт рахункаў віцебскай фірмы і намер кіраўніцтва фабрыкі спыніць вытворчасць.