У пошуках грошай

Нацыянальны банк працягвае шукаць сродкі на ўсіх геаграфічных кірунках. Сёння на паседжанні кансультатыўнай рады Нацбанку было заяўлена пра зацікаўленасць беларускай бізнес-супольнасці у новым крэдыце ад Міжнароднага валютнага фонду і працяг супрацы з Антыкрызісным фондам ЕўрАзЭс. Як паведамілі ў галоўным банку краіны, узаемадзеянне з міжнароднымі фінансавымі арганізацыямі патрэбнае не толькі для атрымання новых пазыкаў, але і дзеля стабілізацыі эканомікі ды павышэння інвестыцыйнай прыцягальнасці Беларусі.