У Пінску ўжо прагучалі святочныя віншаванні. Да таго ж адразу ад некалькіх дзясяткаў Дзядоў Марозаў. Разам са сваімі ўнучкамі Снягуркамі яны прайшліся па цэнтры гораду да плошчы Леніна. Там Марозы заняліся сваім наўпроставым абавязкам -- цешылі дзяцей конкурсамі і, вядома ж, падарункамі. Школьнікі ж аддзячылі дзядулям сінхронным танцам пад зусім не па-зімоваму гарачыя, паўднёвыя рытмы. Мар'яна Чарняева, "Аб'ектыў"