Агляд падзеяў замежжа

РАЗВІТАННЕ З АХВЯРАМІ У амерыканскім Ньютаўне хаваюць ахвяраў пятнічнай страляніны. Сваякі, блізкія і папросту неабыякавыя жыхары развіталіся з двума з дваццаці дзяцей ды шасцю дарослымі, забітымі ў мясцовай школе псіхічна хворым стралком. Тым часам у краіне ўбіраецца ў моц грамадская дыскусія адносна неабходнасці кантраляваць зброю. Напярэдадні маніфестацыя з патрабаваннем зрабіць заканадаўства больш жорсткім прайшла насупраць будынку Нацыянальнай стралковай асацыяцыі ў Вашынгтоне. Хвілінаю маўчання ўшанавала памяць ахвяраў страляніны ў Ньютаўне і Палата прадстаўнікоў ЗША. НЕ ЎСЕ СЛАВЯНЕ ПНУЦЦА Ў КРЭМЛЬ Планаваны на сёння візіт украінскага прэзідэнта ў расейскую сталіцу не адбыўся. Паводле афіцыйнай версіі Крамля, госць з Кіева застаўся на радзіме, каб унесці змены ў дакументы аб супрацы ў галіне энергетыкі, якія Віктар Януковіч і Уладзімір Пуцін меліся падпісаць. У выніку сустрэчу прэзідэнтаў засталося адкласці на няпэўны тэрмін. Стаўка перамоваў насамрэч высокая. Крэмль прапаноўвае Кіеву вярнуцца да таннейшых коштаў энерганосьбітаў. Узамен чакае далучэння Украіны да Мытнага звязу. КАНЕЦ СВЕТУ -- У ТУРМЕ Баішся канца свету? У турму! Ужо больш за паўтысячы чалавек арыштаваныя ў Кітаі паводле абвінавачання ў распаўсюдзе чутак пра надыход Апакаліпсісу, каля траціны з іх -- удзельнікі хрысціянскай секты "Бог усёмагутны". Страшныя гісторыі пра тое, як згасне Сонца, а ў дамах на тры дні знікне цяпло і святло, панікёры апавядалі адкрыта з дапамогаю гучнагаварыльнікаў. На думку <b>...</b>