Бэтлеемскі агонь у Горадні

Запалены ад Нязгаснай лампады ў Базіліцы Нараджэння Хрыстовага ў Бэтлееме святы агонь дабраўся да Горадні. Яго перадалі ў Беларусь польскія харцары, пасля чаго даставілі ў гарадзенскую Фару. ЯН КУЧЫНЬСКІ, ПРОБАШЧ ФАРНАГА КАСЦЁЛУ: "Гэты агонь будзе гарэць у нас да свята Трох каралёў, да 6 студзеня, увесь гэты час вернікі могуць прыходзіць браць гэты агонь і несці сваім сем'ям". У сённяшніх святочных набажэнствах у Горадні ўзяў удзел апостальскі нунцый у Беларусі арцыбіскуп Кляўд'ё Гуджэроцці. КЛЯЎД'Ё ГУДЖЭРОЦЦІ, АПОСТАЛЬСКІ НУНЦЫЙ У БЕЛАРУСІ, АРЦЫБІСКУП: "Усім беларусам зычу, каб свята Божага нараджэння прынесла супакой у сэрцы ўсіх людзей".