Хто вінаваты?

Добры прэзідэнт і кепскія чыноўнікі Схема не новая, але пакуль спрацоўвае бездакорна. Толькі паспеў напярэдадні віцэ-міністр развеяць сацыяльныя ілюзіі беларусаў, як сёння кіраўнік краіны загадаў з гэтым... разабрацца. АЛЯКСАНДР ЛУКАШЭНКА, ПРЭЗІДЭНТ БЕЛАРУСІ: "Аплату за адукацыю, у тым ліку і за вышэйшую адукацыю, трэба тармазіць. Таму што мы і так завысілі кошты на адукацыю, што цяпер наперадзе планеты ўсёй". У адносінах жа да вінаватых чыноўнікаў рыторыка кіраўніка краіны набывае зусім іншы тон. Мэсідж, што падхопліваюць дзяржаўныя медыі, не складаны і даступны: у праблемах вінаватыя менавіта чыноўнікі, з якімі вымушаны публічна разбірацца адзіны справядлівы. АЛЕСЬ ЛАГВІНЕЦ, ПАЛІТОЛАГ: "Але ж гэта відавочна не так, бо ён жа сам прызначае ўсіх чыноўнікаў, якія не могуць ступіць ні направа, ні налева без загаду зверху".